نئی دہلی،02؍اپریل( ایس او نیوز؍آئی این ایس انڈیا )ایس سی ؍ایس ٹی (ظلم کا سراغ لگانا)ایکٹ کو مبینہ طور پر کمزور کرنے کی کوششوں کے خلاف دلت تنظیموں نے آج بھارت بند کا اعلان کیا تھا۔بھارت بند کا اثر ملک بھر میں دیکھنے کو ملا۔دلتوں کے اس بند نے پرتشدد شکل اختیار کر لی۔دلت مظاہرین بند کے دوران بھی تشدد پر اتر آئے۔اس کی وجہ سے مدھیہ پردیش میں 5 راجستھان میں ایک اور اتر پردیش کے فیروز آباد سے بھی ایک شخص کی موت کی خبر ہے۔راجستھان کے باڑ میر اور مدھیہ پردیش کے بھنڈ میں دو دھڑوں میں ہوئی جھڑپ میں تقریبا 30 لوگ زخمی ہوئے ہیں۔باڑمیر میں کئی گاڑیوں میں آگ لگائی گئی ہے۔مظاہرین کی وجہ سے ٹرینیں چل نہیں پائیں ساتھ ہی آمدورفت متاثر رہا۔ راجستھان میں بھی پولیس اور مظاہرین کے درمیان جھڑپ بھی ہوئی۔اس میں تین نوجوان زخمی ہوئے۔دلت تنظیموں کی طرف سے بھارت بند کی وجہ سے تمام ریاستوں میں سیکورٹی کے سخت انتظامات کر دیئے گئے تھے۔مظفرنگر کے نئی منڈی تھانے پر مظاہرین نے پتھر بازی کی جس کے بعد پولیس نے فائرنگ کی۔غازی آباد میں ریلوے ٹریک پر بڑی تعداد میں دلت مظاہرہ کرنے لگ گئے۔جس کی وجہ سے اس روٹ سے آنے والی تمام ٹرینوں کوروکنا پڑا۔ہاپوڑ میں بھارت بند کی حمایت میں سڑکوں پر اترے لوگوں نے پولیس پر پتھر بازی کی، جس کے بعد لاٹھی چارج بھی کی گئی۔میرٹھ میں دہلی دہرادون ہائی وے مکمل طور پر بند کر دیا ہے۔اس کے علاوہ 2 بسوں کو بھی آگ کے حوالے کر دیا گیا۔ دلت مظاہرین نے میرٹھ میں ککرکھیڑا تھانے کی شوبھاپر پولیس چوکی کو بھی آگ کے حوالے کر دیا۔گوالیار میں مظاہرین نے فائرنگ کی جس میں دو لوگوں کی موت ہو گئی۔اس واقعہ کے بعد حالات انتہائی کشیدہ ہو گئے ہیں جس کے بعد پورے شہر میں انٹرنیٹ خدمات بند کر دی گئیں۔ساگراور گوالیار میں دلتوں کی کارکردگی کے بعد دفعہ 144نافذ کر دی گئی ہے۔بھنڈ کے کچھ علاقوں میں کرفیو لگا دیا گیا ہے۔بھنڈ کے علاوہ لہار، گوہد اور میہگاؤں میں بھی کرفیو لگا دیا گیا۔مرینا میں بھی دو لوگوں کی موت ہو گئی۔راجستھان میں بہت سی گاڑیوں میں توڑ پھوڑ کی گئی۔الور میں مظاہرین نے پٹری اکھاڑ دی جس سے 5 ٹرینیں موقع پر پھنس گئیں۔بھرت پور میں خواتین لاٹھیاں لے کر سڑکوں پر اتر آئیں اور جام لگا دیا۔باڑمیر میں پولیس اور مظاہرین کے درمیان پرتشدد جھڑپیں بھی دیکھنے کو ملی جس میں پولیس سمیت تقریبا 25 افراد زخمی ہو گئے۔پولیس نے آنسو گیس کے گولے چھوڑ ے۔ اور لاٹھی چارج کرکے مظاہرین کو بھگایا۔راجستھان میں ایک مظاہرین کی موت کی خبر ہے۔جے پور میں مال بردار ٹرین کو روک لیا گیا۔اس دوران ہجوم نے ٹرین کے کارٹن کی پن نکال لی اور کسی بھی گاڑی کو نہ نکلنے دینے خبردار۔یہاں شہر میں تشدد ہجوم نے کپڑے کا ایک شوروم میں توڑ پھوڑ بھی کی۔حاجی پور میں مظاہرین نے وہاں ایک کوچنگ انسٹی ٹیوٹ پر حملہ کر دیا۔اس سے کوچنگ آپریٹرز اور مظاہرین کے درمیان پتھراؤ اور مارپیٹ بھی ہوئی۔بند حامیوں نے طالب علموں کی سائیکل اور ڈیسک بنچ میں آگ لگا دی۔پولیس کو یہاں مظاہرین پر لاٹھی چارج کرنا پڑا۔